رد الشاعر " جمال قصودة " على البايده بنت النظام البايد.
رد الشاعر " جمال قصودة " على البايده بنت النظام البايد...رائعــــــة// وهذا رد آخر لائق جدا ....
زايلة بنت النظام الزايل
زايلة اي نعم زايلة
على تبن لَحنين
والعلف لِبنين
كانت روايقي سايلة
زايلة اي نعم و بَكْمة
قبلت باللّكمة والصّكمة
من يوم 14 جانفيي
يوم الصدمة
حزني على الزين شايلة
زايلة أي نعم زايلة
...........................................
واظربلي على الطيارة
طحيني للزين الزين
شرف موش خسارة
خدمت مع البندارة
لين صارت علفتي
كوم تعبي شكارة
وصارت سمعتي
بين الزوايل هايلة
زايلة اي نعم زايلة
,,,,,,,,,,,,,,,,,,,,,,,,,,
اي نعم من الازلام
اي نعم من الايتام
وكانْ فمي مكمّم
وتوّ كي شلت اللجام
نبكي من حرقتي
على المخلوع
وعلّي غدر به المخلوع
وانقلب عليه ودفنو
بالحياة ايام
دموعي عليهم طايلة
زايلة اي نعم زايلة
,,,,,,,,,,,,,,,,,,,,,
زايلة اي نعم و موبّرة
من طحيني للمخلوع
كنت مغبرة
نوكل ونجتر
والباقي نصدّرَه
وللبابايَ لحنين نبقى
طول عمري مايلة
زايلة اي نعم زايلة
Aucun commentaire:
Enregistrer un commentaire